《葵廣特輯一：新開超平靚正嫰炸雞》
自葵廣上咗神檯，小食店愈開愈多，但質素真係見仁見智，好多只係靠gimmick取勝。但今日我終於遇見真正又平又高質嘅店，3樓 Chok Chick！
.
$20嘅《香脆雞軟骨》，份量多到離曬罩仲要粒粒都咁大粒脹卜卜😍由於好鍾意食雞軟骨，所以Cress周圍食過好多間，仲以為最平已經係天水圍嘅$18一份（我仲要數過有30粒左右），點知呢度$20差唔多多成倍🙈
.
掃去右邊睇埋佢哋嘅雞件（圖為未shake效果）(右邊係雞軟骨放前咗少少），痴線㗎！舊舊都大過m記脆弱雞，6件都只係$25，平到跪喺度🐒 同埋，雞肉係真心嫰滑㗎！炸得鬆脆，好過百幾蚊食韓雞一萬倍🐣呢度啲雞係落粉俾你shake勻食，有幾種味揀
.
唔怕同埋大家講，間嘢係朋友開嘅，但呢個絕對唔係廣告，我自己都冇諗過咁好食😂（佢哋仲話而家算係試業價遲啲實會調整，雖然呢個質素貴啲都好合理，但唔變就最好啦哈哈哈）
我好鍾意雞軟骨，男朋友又好鍾意炸雞，我哋一致認同佢係我哋食過最好食，同時又最抵食最平嘅炸雞😱本身飽飽哋，但太好食 唔知唔覺就食曬全部⋯
_ @ Chok Chick
Search